Policia ka zhvilluar një operacion blic mbrëmjen e kaluar, kundër lojërave të fatit. Operacioni është shtrirë në të gjithë vendin, dhe kontrollet janë ushtruar kryesisht në lokale ku dyshohet se ushtrohet në mënyrë të jashtëligjshme ky aktivitet.
Deri më tani raportohet se janë arrestuar të paktën 40 persona si dhe po hetohen në gjendje të lirë 50 të tjerë.
Gjatë kontrolleve disa prej të arrestuarve janë kapur edhe me sasi të vogla lëndësh narkotike.
