Derbi i kryeqytetit, mes Tiranës dhe Partizanit, ishte sfida e fundit për javën e 15-të në Superiore.
Nga barazimi mes tyre, përfitoi Egnatia që shkëputet në krye me 33 pikë, 4 më shumë se Partizani i vendit të dytë, që do të luajë sfidën e prapambetur në mesjavë.
Tirana mban vendin e tretë me 22 pikë, 1 më shumë se Skënderbeu i vendit të katërt. Korçarët ia dolën të ruajnë vendin, falë fitores me Erzenin.
Renditja më pas vazhdon me Dinamon në vendin e pestë me 19 pikë, ndjek Vllaznia me 17 pikë.
Lacci, Erzeni dhe Kukësi ndjekin me nga 16 pikë, ndërsa Teuta mbyll renditjen me 13 pikë.
