Gjykata e Apelit në Larisa të Greqisë ka caktuar një dënim me 20 vite burg për një 40-vjeçar shqiptar.
Ky individ, i cili ishte shpallur fajtor në vitin 2021 për plagosjen me thikë të tre personave, një burri dhe djalit e vajzës së tij, është dënuar në mungesë, pasi ka deklaruar se tashmë banon në Shqipëri.
Prokurori i çështjes argumentoi se plagosja e tre personave ishte një veprim i qëllimshëm dhe me synim për të lënduar viktimat, duke rrëzuar pretendimet e mbrojtjes se 40-vjeçari kishte vepruar në vetëmbrojtje.
