Kryendeshja e javës së 14-të në Serie A ka folur për zikaltërit e Simone Inzaghit.
Interi ia doli të merrte tri pikë në transfertë, teksa mundi 0-3 kampionët në fuqi të Italisë, Napolin.
Në “Diego Maradona” ishin miqtë ata që dominuan sfidën. Goli i parë u shënua nga Thuram pas vetëm 13 minutave, me VAR-in që e anulloi për pozicion jashtë loje. Gjithsesi Inter kontrolloi gjithçka dhe shërbeu një ‘perlë’ e Calhanoglu nga jashtë zone në të 44 minutë që zikaltërit të shkonin në dhomat e zhveshjes me një gol avantazh.
Edhe fraksioni i dytë foli për Interin, që shënoi dy herë me Barella në minutën e 62 dhe Thuram në të 85-ën.
Në këtë duel nuk pati hapësira për Asllanin, me shqiptarin që u la në stol nga Inzaghi.
Kështu, Interi me 35 pikë rimerr kreun e renditjes, duke lënë Juventusin në vendin e dytë me 33. Napoli me 24 pikë pozicionohet në vendin e pestë, po aq sa Roma e vendit të katërt.
