Prokurorët gjermanë kanë bërë të ditur se është lëshuar një urdhër-arresti për një djalë 15-vjeçar si i dyshuar për planifikim dhe përgatitje të një sulmi terrorist”, raportojnë mediat e huaja.
Zyra e prokurorit publik të Dyseldorfit nuk dha detaje mbi planin e adoleshentit.
Më herët, transmetuesi publik ARD raportoi se 15-vjeçari bëri thirrje për një luftë të shenjtë kundër Perëndimit dhe njoftoi një sulm terrorist në 1 dhjetor në Gjermani në një video që ai postoi në platformën e mesazheve Telegram.
Me nisjen e luftës mes Izraelit dhe Hamasit, janë rritur ndjeshëm rastet e dhunës apo sulmeve terroriste në të gjithë Europën. Që nga 7 tetori, në shumë vende të BE është vënë re një rritje e frymës pro palestineze, ndërsa janë marrë masat që të shmangen përplasjet me komunitete hebreje apo dhe civilë.
