Një tren mallrash është përfshirë nga flakët në SHBA, raportojnë mediat e huaja. Treni i cili transportonte squfur, ka dalë nga shinat dhe është përfshirë duke bërë që shumë banorë të evakuohen.
“Të paktën 16 vagona u përfshinë në aksident. Dy prej tyre, të cilat përmbanin squfur të lëngshëm, u hapën dhe një pjesë e përmbajtjes së tyre u derdh dhe mori flake”,- tha kompania hekurudhore CSX në një deklaratë.
“Kur digjet squfuri i lëngshëm, ai lëshon dioksid squfuri në atmosferë, një substancë e rrezikshme si për njerëzit ashtu edhe për mjedisin”, tha kompania.
Guvernatori i Kentucky, Andy Beshear, ka shpallur gjendjen e jashtëzakonshme për rajonin, në mënyrë që të mobilizohen të gjitha burimet në dispozicion, njoftoi ai.
“Zyrtarët lokalë po u bëjnë thirrje banorëve të Livingston që të evakuojnë zonën,” shtoi ai. CSX u bëri thirrje gjithashtu banorëve të cilët janë “të shqetësuar për sigurinë e tyre” të largohen dhe të gjejnë strehim të përkohshëm në hotele rreth 9 milje larg, me shpenzimet e tyre.
