Kreu i ri i Agjencisë së Mbikëqyrjes Policore, Florian Sulejmani është prezantuar ditën e sotme nga ministri i brendshëm, Taulant Balla. Gjatë fjalës së tij, ai është zotuar se do të dënoj çdo punonjës policie që përfshihen në aktivitete të paligjshme.
Sulejmani bëri me dije gjithashtu se duke filluar nga java e ardhshme, punonjësit e policisë do të plotësojnë një formular, ku do të deklarojnë nëse kanë patur ose kanë akses në aplikacionet “SKY ecc” dhe “EncoChat”, të cilat janë përdorur nga krimi i organizuar.
“Ju falënderoj për besimin dhe vlerësimin që më zgjodhët mua në krye të AMP. AMP ka nevojë për një ridimensionim në filozofi, profesionalizëm dhe koncept. Është hallkë e rëndësishme e zinxhirit ligjor për të parandaluar përfshirjen e policëve në veprimtari antiligjore. Jam i vendosur për të dënuar cdo punonjës policie, apo të Gardës apo Zjarrfikës, që do të abuzojnë me detyrën apo do të përfshihen në veprimtari të paligjshme dhe do ta zbatoj me prova dhe fakte. Duke filluar nga java e ardhshme, Agjencia do të ndërmarrë veprime ligjore që do të ndikojnë drejtpërdrejtë në qartësimin e opinioneve dhe përgjegjësisë së punonjësve të policisë. Do të përgatisim një formular, ku çdo punonjës policie do të deklarojë pasjen akses në aplikacionet si sky dhe ecro”, tha ai
Prezantohet kreu i ri i AMP-së, ja kush e zëvendëson Ardi Veliun
