Apeli i Gjykatës së Posaçme për Korrupsionin dhe Krimin e Organizuar ka shtyrë me disa orë seancën ndaj Sali Berishës, i cili ka kërkuar shfuqizimin e masave të sigurisë ndaj tij për çështjen “Partizani”.
Pas nisjes së gjyqit në 09:00, Gjyqtarja Iliriana Olldashi urdhëroi shtyrjen e seancës gjyqësore për në orën 14:00, pas një kërkese të SPAK për përjashtimin e gjyqtares.
Ndaj Berishës janë caktuar nga GJKKO me kërkesë të SPAK masat “Detyrim për tu paraqitur në policinë gjyqësore” dhe “Ndalimi i daljes jashtë shtetit”.
Për ish-kryeministrin, vendimi i shkallës së parë është jo ligjor dhe në kundërshtim me Kushtetutën, pasi është anashkaluar institucioni i Kuvendit.
