Një aksident i rëndë ka ndodhur mbrëmjen e kaluar në Greqi, ku si pasojë ka ndërruar jetë një 18-vjeçare shqiptare.
Mediat vendase shkruajnë se ngjarja ka ndodhur në rrugën Athinë-Sunio, kur dy automjete u përplasën kokë më kokë. Nga aksidenti ka mbetur e vdekur edhe një 19-vjeçare, identiteti i të cilës nuk është bërë ende i njohur.
Në njërin mjet ku ishte edhe 18-vjeçarja shqiptare, ndodheshin 5 persona në total. E reja nuk arriti ti mbijetojë plagëve të marra, teksa të tjerët ndodhen në spital jashtë rrezikut për jetën.
Ndërsa në mjetin tjetër ishte vetëm shoferja, 19-vjeçarja që ndërroi jetë. Referuar mediave vendase 18-vjeçarja shqiptare po kthehej në shtëpi, momentin e aksidentit, pasi kishte qenë në punë.
Sipas raportimeve kushërira asaj me tre miqtë të tyre kishin shkuar ta merrnin nga puna.
