Një adoleshent është marrë peng për disa orë nga tre persona në Tiranë, teksa autorët i kanë grabitur me dhunë dhe varësen e floririt si dhe telefonin.
Policia e Tiranës bën me dije se ka identifikuar tre autorët, ku dy prej tyre janë arrestuar dhe njëri është shpallur në kërkim. Më konkretisht, është vënë në pranga shtetasit Arnold Arapaj, 30 vjeç dhe Agim Drishti, 30 vjeç, të dy banues në Tiranë. Ndërsa në kërkim është shpallur shtetasi R. A., 33 vjeç, banues në Tiranë.
“Nga veprimet hetimore dyshohet se këta tre shtetas, në bashkëpunim me njëri-tjetrin, ditën e djeshme, në rrugën “Loni Ligori”, në Unazë të Re, i kanë vjedhur me dhunë varësen e floririt dhe celularin, një 18-vjeçari, si dhe e kanë marrë atë me forcë në automjetin e tyre, duke i hequr lirinë për disa orë.” – thuhet në njoftimin e bluve të kryeqytetit.
Materialet procedurale i kaluan Prokurorisë së Tiranës për veprime të mëtejshme.
