Gjykata e Posaçme ka rrezuar kërkesën e dhëndrit të ish-kryeministrit Sali Berisha, Jamarbër Malltezi.
Malltezi kishte kërkuar kthimin e telefonit dhe kompjuterave dhe disa materialeve të tjera shkresore, të sekuestruara nga ana e SPAK.
Gjyqtarja Gjika la në fuqi masën e sekuestros me argumentin se janë sekuestruar në cilësinë e provës materiale.
Ndërkohë Malltezi mbahet i arrestuar për akuzën e korrupsionit dhe pastrimit të parave në lidhje me hetimet e nisura për dosjen “Partizani”.
Kreu i opozitës Sali Berisha ka hedhur akuza të forta ndaj SPAK për të cilën thotë se ka marrë urdhra politik nga Edi Rama për të goditur opozitën.
