Policia e Tiranës ka arrestuar një person të shpallur në kërkim, pasi ishte dënuar me burg për veprimtari kriminale në fushën e narkotikëve. Në kuadër të operacionit policor të koduar “Center” është vënë në pranga shtetasi Armando Behari, 29 vjeç nga Tiranë, i cili është kapur në rrugën “Ali Demi” në kryeqytet.
“Gjykata e Shkallës së Parë e Juridiksionit të Përgjithshëm Tiranë e ka dënuar këtë shtetas, me 3 vjet e 4 muaj burgim, për vepra penale në fushën e narkotikëve. Në vitin 2022, 29-vjeçari ka përshtatur një qendër tatuazhesh në zonën e Komunës së Parisit, për përdorimin dhe shitjen e lëndës narkotike kokainë.” – thuhet në njoftimin e bluve të Tiranës.
Materialet procedurale i kaluan Prokurorisë, për veprime të mëtejshme.
