Kryeministri Edi Rama ka reaguar pas raportimeve se Greqia po bllokon një letër nga 27 vendet anëtare drejtuar Komisionit të BE-së për hapjen e pesë kapitujve të parë të procesit të anëtarësimit të Shqipërisë në BE.
Arsyeja lidhet me mbajtjen në qeli të Fredi Belerit, fituesi i zgjedhjeve lokale në Himarë.
I pyetur në një emision televiziv këtë të martë për rastin, Rama përsëriti se kjo është një çështje e drejtësisë dhe pretendoi se ai s’mund të përfshihet në “punët e drejtësisë”.
“Çështja është e njohur, e qartë dhe s’ka vend fare për të bërë një reagim tjetër. Kjo është një çështje e drejtësisë. Ne nuk kemi asnjë fuqi dhe as na shkon mendja që të përdorim ndonjë fuqi të pushtetit ekzekutiv për të ndikuar në pushtetin e drejtësisë. Me sa di unë kërkesa për të bërë betimin është në proces gjyqësor, kur të japi vendim gjykata do ta japi dhe do ta shikojmë. Deri në dhjetor ka akoma kohë kështu që unë kam besim akoma që kjo çështje s’do bëhet pengesë për Shqipërinë”, tha Rama.
Do ndryshojmë mendje ne apo grekët?
“S’kemi çmendje ndryshojmë se s’është një top në fushën tonë, që ne ta kapim atë top duhet të shkojmë te fusha e drejtësisë. Ne nuk e bëjmë. Ka një proces që është kërkuar nga i pandehuri. Duan që të bllokojnë, të bllokojnë, por s’ka shans që të bllokojmë këtë reformë”, u përgjigj ai.
