Autoritetet policore kolumbiane, në bashkëpunim me Interpolin kombëtar, kanë njoftuar mëngjesin e kësaj të marte arrestimin e nëntë personave të shpallur në kërkim nga Shtetet e Bashkuara të Amerikës.
Sipas autoriteteve kolumbiane, arrestimet u kryen pas kryerjes së operacioneve në Bogotá, Valle del Cauca, Nariño dhe Putumayo. Të arrestuarit ishin në kërkim për veprat penale të trafikut të drogës, pastrimit të parave dhe komplotit për kryerjen e një krimi, teksa SHBA pret ekstradimin e tyre.
Mediat e huaja raportojnë se një prej të arrestuarve është edhe shqiptari Klodian Zaimi, alias El Gringo, i cili kishte si funksion kryesor marrjen e parave nga shitja e kokainës në Shtetet e Bashkuara dhe herë pas here në Evropë, për ta pastruar dhe dërguar në organizatën kriminale në Kolumbi.
Sipas policisë kolumbiane, shqiptari ishte përgjegjës për koordinimin e dërgesës së sasive të mëdha të lëndëve narkotike nga portet e Kartagjenës drejt Amerikës Qendrore dhe Shteteve të Bashkuara duke përdorur varka të shpejta.
“Kokaina prodhohej në departamentin e Valle del Cauca dhe transportohej me rrugë tokësore në bregdetin e Karaibeve. Pasi atje, anëtarët e organizatës janë përgjegjës për dërgimin e kokainës nga deti në destinacionin e tij përfundimtar,” thanë autoritetet.
Në operacionin e arrestimit të Klodian Zaimit është arrestuar dhe një person tjetër, identiteti i të cilit nuk bëhet i ditur. Si shqiptari “El Gringo” dhe persojni tjetër i kapur ishin në kërkim nga një gjykatë e distriktit jugor të Floridës për krimet e pastrimit të parave, trafikut të paligjshëm të drogës dhe komplotit për të kryer një krim.
Ndërkohë, në një prej operacioneve është arrestuar dhe Fredy Rodney Acosta Espinoza, alias Carlos o ‘El Señor, drejtues i një strukture kriminale të ngarkuar me prodhimin e lëndës narkotike në laboratorët klandestinë të vendosur në Nariño, Cauca dhe Putumayo, në kufijtë me vendin e Ekuadorit. Nga hetimet e autoriteteve ka rezultuar se ky person, përveç kësaj, ka qenë ai që ka pasur kontaktet në Ekuador dhe nga ai vend “e kanë marrë lëndën narkotike përgjatë bregut të Paqësorit për ta çuar në vendet e Amerikës Qendrore dhe në SHBA”.
Gjithashtu në këtë operacion u kapën dhe José Luis Rosero Ibarra, alias El Animal, Ismaelino Muñoz Quistial, alias Guillo, ‘El Mayor’ ose ‘El Viejo’ dhe Edwin Alberto Coral López, alias ‘Chicarra’. Këta persona janë kërkuar për ekstradim nga Gjykata e Qarkut e Shteteve të Bashkuara për Distriktin Lindor të Teksasit.
Nga ana tjetër, në Cali dhe Bogotá u krye një operacion që bëri të mundur kapjen e Heriberto Cardozo Cortes, alias Coronel, “i cili kreu të gjithë koordinimin në portet e ngarkesave të qyteteve Santa Marta dhe Cartagena, me qëllim që “kokaina që vinte nga Valle del Cauca dhe Cauca, hyri dhe u dërgua në kontejnerë të ndryshëm me fruta të ngrira pa u zbuluar”.
Në këtë operacion ranë në pranga edhe Fabián Alberto Agredo Hoyos, alias Licencuar dhe Álvaro José Becerra López, alias Corbata, të cilët janë kërkuar për ekstradim nga Gjykata e Distriktit Jugor të Floridës.
