Politologu Ilir Kalemaj tha në “MCN Live” se kryeministri Rama kërkon të defunksionalizojë Parlamentin, duke synuar shkatërrimin e opozitës.
Sipas Kalemajt opozita i ka duart e lidhura dhe ka pak mjete në dispozicion për t’u sjellë ndryshe.
“Nuk e kuptoj pse z.Rama kërkon të ketë pushtet absolut. Pse kërkon të përçajë opozitën deri sa ta shuajë fare. Nuk e kuptoj pse Rama s’pranon as kërkesat më logjike apo më minimaliste të opozitës. Ç’të keqe i vjen z.Rama nga ligjit për tubimet, që z.Rama me 75 vota rrezon vendimin e Gjykatës Kushtetuese. Ç’e keqe i vjen nga propozimi i opozitës për ndryshimet për Kodin Penal. Ç’të keqe i vjen nga një pjesë e atyre 8 komisioneve hetimore?! Unë e kuptoj shqetësimin që mund të ketë z.Rama për komisoninin hetimor për udhëtimet 20 milionë euro që ka shpenzuar për Charter-at, sepse në fund të fundit i duhet të japë llogaridhënie dhe mund të shkojë në SPAK për këtë gjë. Por nuk e kuptoj pse trembet nga disa nga komisionet hetimore që s’kanë objekte kaq të ngushta që lidhen me personin e tij”, tha Kalemaj.
“Z.Rama kërkon të defunksionalizojë Parlamentin duke synuar shkatërrimin e opozitës. Kjo është e paprecedentë. Çështja e emigrantëve s’ka asgjë pozitive. Rama është dhe sillet fund e krye si autokrat. Autokracitë nuk pyesin për zëra ndryshe, as kur vijnë nga ekspertët, as kur vijnë nga opinioni publik, as kur vijnë nga shoqëria civile, as kur vijnë nga opozita Edi Rama s’do opozitë, fakti që luftoi deri në momentin e fundit për të marrë 95 për qind të bashkive, edhe për faktin që s’e lëshon deri në fund Belerin. Është një sjellje destruktive. Opozita i ka të lidhura duart dhe ka pak mjete në dispozicion për t’u sjellë ndryshe. Vetëm te opozita do ta gjejmë problemin?!”, shtoi ai.
