Kryeministri Edi Rama foli nga Pogradeci për politikën e re të pagave të qeverisë.
Për pagën minimale 400 mijë lekë, Rama tha se “nuk janë pak”.
Ai foli dhe për reformën në drejtësi, duke deklaruar se “e solli PS”. Rama hodhi poshtë zërat se kontrollon drejtësinë.
“Nga ana tjetër është patjetër drejtësia. Drejtësinë e kemi pasur ambicien tonë më të lartë dhe kemi bërë përpjekje për të bërë reformën në Drejtësi që kur ishim në opozitë. Kur kemi qenë në opozitë i kemi propozuar qeverisë asokohe. Ka disa që thonë se ne kontrollojmë drejtësinë, këtë e thonë se nuk është mësuar njeri këtu, sidomos këta që kanë pasur pushtet, që të funksionojë kështu. Ashtu ka funksionuar kur ishin ata në pushtet, drejtësia ishte farsë, e telekomanduar, sot nuk është. Në Shqipëri ka rënë miti i personit të paprekshëm. Ka disa që thonë e solli Amerika, me ça e solli Amerika, me aeroplan? Këtë e ka sjellë vetëm një forcë në tokë, Partia Socialiste”, tha Rama.
Lidhur me pensionet e ulta, ai tha se “këto janë mundësitë”.
“Kemi një numër të lartë pensionistësh krahasimisht me numrin e punonjësve të shtetit dhe për këtë arsye edhe rritja e pensioneve është me e ngadaltë”, deklaroi.
