Një aksident ka ndodhur mesditën e kësaj të diele në aksin rrugor “Pogradec-Qafë Thanë”.
Dy makina janë përplasur me njëra-tjetrën në rrethana ende te paqarta, e për pasojë janë plagosur tre persona.
Këta të fundit janë nisur drejt spitalit për ndihmë mjekësore, ku raportohet se ndodhen jashtë rrezikut për jetën.
“Më datë 12.11.2023, rreth orës 14:40, në pranë fshatit Udënisht, automjeti tip “Mahindra” me drejtues shtetasin P. Sh., është përplasur me automjetin tip “Peugeot” me drejtues shtetasin Sh. A. 55 vjeç, banues në Elbasan.
Për pasojë janë dëmtuar drejtuesi i automjetit tip “Peugeot” shtetasi Sh. A., pasagjerja në këtë automjet shtetasja A. A., 48 vjeçe, banuese në Elbasan, si dhe pasagjeri i automjetit tip “Mahidra”, shtetasi N. L., 72 vjeç, të cilët u dërguan për mjekim në spital”,- njofton Policia.
Grupi hetimor po punon për sqarimin e rrethanave të aksidentit dhe po kryhen veprimet e mëtejshme procedurale.
