Pas disa ditësh heshtje, kryeministri Edi Rama ka reaguar për marrëveshjen me Melonin e cila do ta kthejë ‘Shqipërinë në një kamp refugjatësh’ ku për një vitet pritet të hyjnë në vendin tonë rreth 36 mijë afrikanë të paligjshëm.
Rama po përballet me kritika jo vetëm nga opozita por edhe nga qytetarët të cilat kanë “kryqëzuar” vendimin personal të kryeministrit për të ngritur kampe refugjatësh në zonën e Lezhës.
Në një postim në rrjetin social ‘X’, Rama reagon pas përgënjeshtrimit të lajmit nga Partia Demokratike italiane, duke theksuar se edhe kjo parti thekson se marrëveshja për emigrantët është e konsoliduar.
Rama thekson se kjo që po bën Shqipëria është minimumi, prandaj nga pranvera e vitit të ardhshëm refugjatët do të zbarkojnë në Portin e Shëngjinit.
Postimi i Ramës:
“Në gazeta u përhap lajmi se miqtë e PD-së italiane donin të më përjashtonin nga Partia Socialiste Europiane dhe më pas ata vetë e mohuan me njëfarë vonese, por duke nënvizuar se marrëveshja që bëri Shqipëria me qeverinë italiane është e gabuar në të gjitha këndvështrimet, pikërisht të njëjtën gjë thonë PD-të e shumtë të së djathtës shqiptare që po luftojnë për të drejtën e të njëjtit emër pas ndarjeve.
Sigurisht që do të më mungojë aftësia për të parë këndvështrimet e shumta të të gjitha këtyre PD-ve, por në respekt të plotë të PD-së italiane do të doja të përsërisja këndvështrimin tim të vetëm: Përpjekja për të ndihmuar Italinë në këtë situatë, ku askush në Evropë, duket se ka një zgjidhje që mund të ndahet nga të gjithë, ndoshta nuk është më e mira, por sigurisht është minimumi që Shqipëria duhet dhe mund të bëjë! Nëse kjo nuk është në të majtë në Itali, s’ka rëndësi, duket se nuk është as në të djathtë në Shqipëri. Ndoshta është thjesht e drejtë.
(Më vjen keq që nuk mund të takohem me miqtë e mi italianë në Samitin e PSE në Malaga, sepse jam në Forumin e Paqes në Paris, por shpresoj që diskutimi mbi çështjen gjithnjë e më të mprehtë të emigracionit do të nxjerrë në pah përgjigje e mirë, konkrete dhe e përbashkët që ‘Evropa e pret prej shumë vitesh tani’).”, shkruan Rama.
