Kryebashkiaku i Kamzës, Rakip Suli i ka konsideruar si shpifje të gjitha akuzat e ngritura ndaj tij, pas daljes nga SPAK ku u mor sërish në pyetje ditën e sotme nga prokurorët e Prokurorisë së Posaçme, pasi është nën hetim për abuzim me fondet për tërmetin
Në një prononcim për mediat, Suli u shpreh se nuk përbaltet puna titanike e Bashkisë Kamëz, siç e konsideroi ai.
“Për mua janë shpifje dhe nuk përbaltet puna titanike e Bashkisë Kamëz. Qëllimi ishte sot për të bërë transparencë për çdo qindarkë që investohet bëhet për banorët e Bashkisë së Kamzës. Ata më votuan dhe më besuan më 14 maj”, tha Suli.
Ndërkohë, ai u mor në pyetje dhe më 6 nëntor, ku atë ditë ai u shpreh për mediat se është fat që erdhi kjo ditë, ku çdo person po jep llogari para drejtësisë, sipas tij.
“Të lëmë drejtësinë të bëjë punën e vet, sepse po jep shpresë tek shqiptarët. Fati që erdhi sot kjo ditë, që çdo person vjen të japë llogari. Më lini të vazhdoj punën time në shërbim të qytetarëve. Sa herë do të duan do të vijnë”, tha Rakip Suli më 6 nëntor.
Burime bëjnë me dije se Rakip Suli ka dhënë në SPAK versionin e tij mbi hetimet që po kryen për dëmshpërblimet e tërmetit. SPAK po kryen hetime ndaj kryebashkiakut dhe zyrtarëve të bashkisë, për veprat penale “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike
