Vetëm dy ditë pasi u ekspozua në vendlindjen e Uinston Çërçill, në Woodstock, një tualet prej ari me vlerë 4.8 milionë paund, u vodh nga katër burra.
Për grabitjen e tualetit me ar 18 karatësh nga Pallati Blenheim, janë arrestuar pas 5 vitesh James Sheen, Michael Jones, Fred Doe dhe Bora Guccuk. Ata do të dalin para gjykatës më 28 nëntor.
Një zëdhënës i policisë tha se: Pas një hetimi nga Policia e Luginës së Thames, katër burra janë akuzuar në lidhje me një vjedhje në Pallatin Blenheim. Akuzat lidhen me vjedhjen e një tualeti të artë nga Pallati Blenheim më 14 shtator 2019.
Vizitorëve iu lejua që të përdornin tualetin e artë, që dikur i ishte ofruar Donald Trump-it në një interval prej tre minutash. Sa i përket tualetit të artë, ai u krijua nga artisti italian Maurizio Cattelan dhe u ekspozua në muzeun Guggenheim në Nju Jork në vitin 2016. Ajo u ekspozua në Pallatin Blenheim, një shtëpi fshati e vendosur pranë Woodstock, në Oxfordshire. Pallati, një nga shtëpitë më të mëdha të Anglisë, u ndërtua midis 1705 dhe rreth 1722 dhe u caktua si një sit i Trashëgimisë Botërore të UNESCO-s në 1987. Pallati gjithashtu njihet si vendlindja dhe shtëpia stërgjyshore e Uinston Çërçill.
