Kuvendi i Shqipërisë ditën e sotme do të prodhojë përplasje të ashpra mes opozitës dhe mazhorancës që ka vijuar “misionin” e saj duke përjashtuar deputetët demokratë.
Edhe këtë seancë, 6 deputetë të Partisë Demokratike janë të përjashtuar pas situatës kaotike që krijuan në parlament javën e kaluar. Bëhet fjalë për Gazmend Bardhin, Bledion Nallbatin, Flamur Nokën, Edi Palokën dhe Albana Vokshin që janë përjashtuar me 10 ditë, ndërsa Saimir Korreshi me 3 ditë.
Në krahun tjetër opozita nuk tërhiqet dhe kanë paralajmëruar përshkallëzim të situatës derisa mazhoranca mos injorojë kërkesat e Partisë Demokratike mes tyre edhe ngritjen e disa komisioneve hetimore.
Por, pavarësisht masës disiplinore të marrë nga Komisioni i Etikës me propozimin e PS, deputetët demokratë kanë paralajmëruar sërish kaos ditën e sotme. Ishte Gazment Bardhi që një ditë më parë tha se do të jenë të pranishëm në seancë, ndonëse janë të përjashtuar.
Në këto kushte, përplasja mes mazhoracës dhe opozitës është e pamundur që të shmanget, ndërsa deputetët e përjashtuar pritet që të kenë duel me Gardën e Republikës e cila do të bëjë “gardh” tek dera e Kuvendit për të “mbrojtur” kryeparlamentaren Lindita Nikollën dhe qeverinë.
Në rendin e ditës janë parashikuar një sërë çështjesh, mes tyre edhe një interpelancë e kërkuar nga deputeti Nasip Naço me ministrin e Mbrojtjes Niko Peleshi.
Rendi i ditës:
