Prokurori i Rrethit Berat, Dritan Gripshi, është kërcënuar këtë të mërkurë pranë Gjykatës së qytetit.
Bëhet me dije se se Gripshi është ofenduar dhe kërcënuar nga shtetasi Andon Qako për shkak të detyrës së tij teksa dilte nga ambientet e gjykatës pas një seance gjyqësore.
Shtetasi Andon Qako, mësohet se është një qytetar beratas që mbron kauzën e kafshëve, ndërsa raportohet se nëpërmjet rrjeteve sociale ai ka ofenduar e sharë edhe më parë prokurorët e Prokurorisë së Rrethit të Beratit.
Qako është shoqëruar për veprime të mëtejshme proceduriale.
