Deputetët demokratë janë ndaluar nga Garda të hyjnë në ambientet e brendshme të Kuvendit. Deputetët janë përplasur me punonjësit e Gardës dhe kanë hyrë me forcë në zyrën e kryeparlamentares Lindita Nikolla, e cila nuk ndodhej aty për momentin.
Pamjet u shpërndanë live në rrjete sociale nga deputetja e Partisë Demokratike, Elda Hoti.
Në videon e mëposhtme dëgjohet deputeti Flamur Noka i cili thotë: “Ta harrojnë po s’u plotësuan të drejtata e opozitës”.
Deputetët e opozitës kërkojnë ngritjen e komisioneve parlamentare të kërkuara prej tyre dhe pezullimin e përjashtimit të deputetëve për të lejuar Kuvendin të vijojë aktivitetin normal.
