Pasi deputetët demokratë dolën nga ambientet e zyrës së Klotilda Bushkës te kryesia e Kuvendit, kreu i PD Berisha është ndalur në një komunikim me gazetarët.
Ai tha se kjo që u pa ishte vetëm fillimi i betejës.
“Morën çantat dhe ikën kur e panë se do kishte një presion të madh të arsyeshëm nga deputetët e PD të cilët po kërkonin aty shpjegime se pse ato ishin përjashtuar 7 ditë nga Parlamenti dhe po jepnin argumenta se ky vendim ishte i paligjshëm i pabazuar në rregullore për përjashtimin e parlamentarëve të opozitës. Ata morën ça kishin dhe shkuan u zhdukën. Parlamenti m me klandestinë me vendime të tilla krejtësisht të paligjshme. Rregullorja paraqet qartë se deputetit ndaj të cilit merret masa duhet të merret dhe të sqarohet. Në çdo komision janë të lejuar të marrin pjesë, ne ishim si audiencë dhe në tavolinën qëndrore ishin deputetët për të cilët Edi Rama kishte lajmëruar përjashtimin. Edi Rama e di që nuk i ndahemi pa rikthimin e të drejtave tona kushtetuese. Ai ka tmerr kontrollet e opozitës. Ajo mori shkresat dhe iku, e kam marrë vendimin tha. Iku dhe u mbyllën në një zyrë për të firmosur vendimin, ky është Parlamenti ‘shpellë’”, tha Berisha.
