Përplasja të ashpra janë regjistruar mes deputetëve demokratë dhe atyre socialistë në mbledhjen e Komisionit të Procedurës dhe Etikës, ku do të merret vendimin për përjashtimin e 7 deputetë, të konsideruar si mazhoranca përgjegjës për situatën e krijuar në seancën e djeshme parlamentare.
Deputetët kanë akuzuar Klotilda Bushkën se po e merr vendimin pa i pyetur më parë dhe pa asnjë bazë argumenti. Prezente ka qenë edhe Garda e Republikës, ku sipas deputetëve të PD është sjellë për të provokuar. Deputetë janë futur në zyrën e Klotilda Bushkës, e cila pas debateve është larguar.
“Je prapë në shkelje sepse nuk na ke dërguar asnjë material ku argumenton se pse po përjashtohen anëtarët e opozitës. Keni kaq ditë e nderuar kryetare që po bën si t’ju dojë qejfli dhe jeni duke tallur të gjitha me ne. Nuk do të lejojmë të na përjashtoni pa asnjë lloj argumenti, nuk mund të na mohoni fjalën në parlament dhe në komisone Ti vazhdon ta kthen këtë sekretariat të etikës të privatizuar”, tha Korreshi.
“Po provokon me gardën, largoje gardën”, dëgjohet të thotë Vokshi.
Bushka: Unë dua të bëj detyrën ju doni të bëni shou politik!
Partia Socialiste kërkon përjashtimin e 7 deputetëve të Partisë Demokratike nga Komisioni i Procedurës dhe Etikës, duke i konsideruar si përgjegjës për kaosin e shkaktuar në seancën e djeshme plenare në Kuvend. Më konkretisht, mazhoranca kërkon marrjen e masave disiplinore ndaj deputetëve: Gazment Bardhi, Flamur Noka, Edi Paloka, Bledion Nallbati, Albana Vokshi, Saimir Korreshi dhe Lefter Gështenja.
