Kreu i grupit parlamentar të PD-së, Gazment Bardhi u ka bërë thirrje 23 deputetëve të përjashtuar që të mblidhen të gjithë bashkë dhe të shkojnë në seancën parlamentare ditën e nesërme.
Bardhi shkruan se, pas përjashtimit arbitrar prej 11 ditësh nga parlamenti, nesër të gjithë duhet të jenë në kuvend.
Mesazhi i Gazment Bardhit:
Të nderuar kolegë,
Nesër e hënë, ora 17:00, është planifikuar seanca e radhës plenare. Pavarësisht vendimit të përjashtimit arbitrar, i cili parashikon përjashtimin tonë për 11 ditë, ne duhet të jemi të gjithë në seancë. Për këtë qëllim, mblidhemi të gjithë bashkë në orën 16:30 për të shkuar në grup në seancë.
Ndërkohë, mbledhja e radhës e grupit do të zhvillohet si zakonisht, të martën, datë 31 Tetor, ora 13:00. Ju përshëndes!
