Një ngjarje e pazakontë raportohet të ketë ndodhur në Itali, ku një shtetas shqiptarë ka braktisur djalin e tij 15-vjeçar, me pretekstin se aty do të kishte një jetë më të mirë.
Mediat e huaja shkruajnë se adoleshenti, i cili nuk fliste italisht, përdori Google Translate dhe trokiti në dyert e policisë mbrëmjen e së martës 24 tetor , rreth orës 19:00. I riu, i cili u shfaq qartësisht i frikësuar nga përvoja që po përjetonte, por me shëndet të mirë, i tha policisë se ishte braktisur nga babai i tij.
15-vjeçari kishte mbërritur në Itali pak ditë më parë, të enjten e 19 tetorit, me një fluturim nga Shqipëria dhe ishte nisur për në aeroportin Malpensa të Milanos, i shoqëruar nga babai i tij, i cili e bindi të largohej duke i premtuar kushte më të mira jetese.
Babai i të miturit një 46-vjeçar me origjinë shqiptare, u bë i pagjurmueshëm pas kthimit në Shqipëri në 24 orët në vijim dhe për pasojë u denoncua në Prokurori për braktisje të të miturve.
Burimi: Fanpage.it
