Ish-kandidati i koalicionit “Bashkë Fitojmë” për bashkinë e Kuçovës, Lefter Maliqi shprehet në një postim në Facebook sa Sali Berisha është lider i veprave të mëdha si ai i Rrugës së Kombit, Shqipërisë në “NATO”, liberalizimit të vizave, mbrojtës i interesave kombetare etj.
Ky postim i tij vjen pasi SPAK-u arrestoi dhëndrin e Sali Berishës, Jamarbër Malltezin dhe vendosi masën e sigurisë “detyrim paraqitje” për kreun e Partisë Demokratike për dosjen “Partizani”.
Maliqi deklaron se çdo inskenim apo ‘fletërrufe’ politike ndaj tij, bëhet nga njerëz të vegjël të keqpërdotur nga djaj që hiqen si engjëj me aktrim e propogandë boshe.
“Lider i pazëvendësueshëm, patriot, atdhetar, familjar.
Lider i veprave të mëdha i Rrugës së Kombit, Shqipërisë në “NATO”, liberalizimit të vizave, mbrojtës i interesave kombetare etj. Çdo inskenim apo ‘fletërrufe’ politike ndaj tij, bëhen nga njerëz të vegjël të keqpërdotur nga djaj që hiqen si engjëj me aktrim e propogandë boshe.
Koha ka folur e do flas për këtë Lider Historik me dekada!”- shkruan Maliqi krahas fotove.
