Është shtyrë për ditën e nesërme, e mërkurë, në orën 14:30, seanca në GJKKO për masën e sigurisë ndaj ish-kryeministrit Sali Berisha në në lidhje me çështjen e privatizimit të ish-kompleksit Partizani.
Kjo për shkak se avokatët kanë kërkuar më shumë kohë për t’u njohur me dosjen, si dhe kanë kërkuar edhe përjashtimin e gjyqtares Irena Gjoka nga çështja.
Berisha akuzohet nga SPAK për kryerjen e veprës penale “Korrupsioni pasiv i funksionarëve të larte shteterore ose te zgjedhurve vendore, kryer në bashkëpunim, parashikuar nga neni 260 e 25i Kodit Penal. Ndaj tij, GJKKO masën e sigurisë “detyrim paraqitje” dhe “ndalim i daljes jashtë shtetit” duke i bllokuar pasaportën.
Berisha pretendon se GJKKO ka shkelur Kushtetutën me vendosjen e masave ndaj tij, pa i kërkuar autorizim Kuvendit dhe kjo ka qenë dhe arsyeja e mosparaqitjes së tij sot në seancë. Nëpërmjet avokatëve të tij, Berisha ka depozituar sot në SPAK dhe një kallëzim penal ndaj gjyqtares Irena Gjoka, ku e akuzon për “shpërdorim detyre”.
“Nga ana e Berishës sot është bërë kallëzim në SPAK ndaj gjyqtares së çështjes, për shpërdorim detyre, sepse vendimi është në shkelje të Kushtetutës. Kemi kërkuar përjashtimin e Irena Gjoka. Gjykimi është ndërprerë për të shqyrtuar këtë kërkesë. Po presim për vendimin e shqyrtimit për përjashtimin e saj. Ne nuk vijmë këtu që të na jepen dy-tre dorë dhe të lexohen 2 mijë faqe, ne do presim vendimin e gjykatës dhe procesi me njohjen”, – tha avokati i Berishës Genc Gjokutaj në një prononcim për mediat pas daljes nga SPAK.
Avokati Gjokutaj tha se janë autorizuar nga Sali Berisha dhe gjykata e ka pranuar këtë autorizim për të vijuar gjykimin në prezencë të mbrojtjes.
“Ai na ka autorizuar neve, dhe gjykata e pranoji të vijojë gjykimin në prani të mbrojtjes, pasi në prokurën e Berishës janë përfshirë të gjitha tagrat dhe përfaqësimi”, tha ai.
Ish-kryeministri i ka konsideruar akuzat ndaj tij dhe arrestimin e dhëndrit të tij Jamarbër Malltezi, si sulm politik, pasi sipas tij, nuk ka asnjë fakt dhe dokument që të ngrihen dyshimet mbi akuzat.
Berisha kallëzon në SPAK, Irena Gjokën, avokatët kërkojnë përjashtimin e gjyqtares
Klubi “Partizani”/ Dokumente, fakte e prova, historia e plotë e një arrestimi politik
