Një zjarr i madh ka rënë mbrëmjen e kësaj të diele në lagjen “Partizani” në Vlorë, pranë spitalit rajonal.
Flakët kanë përfshirë një sipërfaqe me ullinj, dhe janë përhapur me shpejtësi të favorizuara nga era.
Paraprakisht dyshohet për një zjarrvënie të qëllimshme, ndërsa ende nuk dihen autorët dhe rrethanat e ngjarjes.
Forcat zjarrëfikëse ndodhen në vendngjarje dhe po punojnë për neutralizimin e flakëve. Pritet një njoftim nga ana e bluve për zbardhjen e plotë të rastit.
