Është mbyllur pjesa e parë e derbit kryeqytetas mes Partizanit dhe Tiranës.
Një pjesë e parë fantastike nga të dyja skuadrat. Rastet e pastërta nuk kanë munguar as për të kuqtë, por as për bardheblutë, por goli i parë nuk erdhi në intervalin e parë kohor.
Rasti më i rrezikshëm i sfidës i përket minutës së 26-të.
Tedi Cara u gjend i vetëm përballë portierit të bardhebluve, por 19-vjeçari Mustafe Abdullahu me një pritje siç na ka mësuar Manuel Neuer bën mrekullinë duke shmangur golin e të kuqve.
Gjithashtu stadiumi “Air Albania” ka një atmosferë fantastike, ku “Guerrilsat” dhe “Fanatiksat” kanë krijuar një situatë mbresëlënëse dhe me adrenalinë.
