Gjykata e Apelit të Janinës ka vendosur pro ekstradimit të 31-vjeçarit Laert Haxhiut drejt vendit tonë.
Burime nga Ministria e Brendshme konfirmojnë se shkalla e dytë e gjyqësorit helen është shprehur pozitivisht kërkesës së Shqipërisë, por Haxhiu ka edhe të drejtën e shqyrtimit të çështjes në Gjykatën e Lartë greke.
Laert Haxhiu përfaqësohet në Athinë nga avokati shqiptar Detar Hysi dhe dhe jurist grek, të cilët më herat kanë mbrojtur interesat ligjore të Bledar Jambellit i akuzuar si autor i vrasjës së Artan Cukut, por është refuzuar ekstradimi i tij drejt vendit tonë. Ai fshihej në Greqi duke përdorur një leje qëndrimi greke të falsifikuar me emrin Mikis Askalidis, 32 vjeç, lindur në Gjeorgji.
Laert Haxhiu aktualisht ka një vëndim dënimi nga Gjykata e Lartë si dhe rezulton i shpallur në kërkim nga SPAK pas dëshmisë së bashkëpuntorit të drejtëise Artan Tafani ku e implikon Haxhiun ne disa vrasje dhe krime të tjera.
Më konkretisht, Laert Haxhiu është i dënuar me 18 vite burg për masakrën e Lushnjës në vitin 2017, ku u vranë Zamir Latifi dhe Jurgen Hoxha, por shpëtoi shënjestra e autorëve, Xhulio Shkurti, nipi i Aldo Bares, kreu i bandës së Lushnjes.
Po ashtu, pas dëshmive të Artan (Marjus) Tafanit, Laert Haxhiu akuzohet si autor i vrasjeve të:
- Lulzim Qorrit, 12 Dhjetor 2018 në Athinë
- Fridmand Xhaferrajt, 13 Maj 2021 në Korçë
- Çajup Selimit, 1 Qershor 2021 në Tepelenë
- Dikens Halilit, 3 Tetor 2021 në Athinë
- Alban Semakut, 17 Tetor 2021 në Peqin
- Albi Bashaliut, 27 Dhjetor 2021 në Elbasan
SI dhe një sërë krimesh të tjera si shpërthime me tritol, tentativë vrasje dhe gjobvënie.
