Egzon Bejtullai, pas “divorcit” me Shkëndijën e Tetovës, ka vendosur që karrierën e tij ta vazhdojë në Superligën e Kosovës, duke u vënë në urdhrat e trajnerit Gentian Mezani te Gjilani.
Gjatë merkatos së verës Bejtullai u përfol shumë për një kalim të mundshëm në kryeqytetin shqiptar, ku u tha se kishte interes nga Tirana dhe Partizani.
Mbrojtësi tetovar, i cili nuk vazhdoi kontratën me Shkëndijën, ka qenë pa klub që nga fundi i sezonit të shkuar dhe tani ka pranuar ofertën e Gjilanit, duke nënshkruar kontratë deri në fund të sezonit.
Egzon Bejtullai është edhe pjesë e kombëtares së Maqedonisë së Veriut, me të cilën ka luajtur 26 ndeshje.
