Pas deklaratës skandaloze të disa ditëve më parë ku pohoi se “veriu i Kosovës është një territor që nuk i përket askujt”, kryeministri Edi Rama vijon retorikën e tij kundër Kosovës.
Gjatë konferencës së përbashkët për mediat me Presidenten e KE, Rama injoroi problemet dhe tensionet në veri të Kosovës për të cilën tha se Samiti i “Procesit të Berlinit” nuk merr përsipër për të zgjidhur këtë konflikt.
Sipas kryeministrit, Procesi i Berlini, është një proces që lidhet me nxitjen e vazhdueshme të rajonit drejt katër lirive të BE, dhe “nuk është për zgjidhjen çështjeve bilaterale”.
“Procesi i Berlini, është një proces që lidhet me nxitjen e vazhdueshme të rajonit drejt katër lirive të BE, të lëvizjeve të njerëzve, kapitaleve, mallrave dhe shërbimeve. Ky samit nuk është për zgjidhjen çështjeve bilaterale. Ne programin e samiti, dreka e punës e liderëve do ti kushtohet edhe marrëdhënieve fqinjësore në rajon. Pra hapësira për një diskutim të hapur mes te pranishmëve është e programuar por nuk është një samit që merr përsipër të gjej zgjidhje për çështje të tilla”, u shpreh Rama.
Kryeministri Edi Rama u ka qëndruar deklaratave të mëparshme se veriu i Kosovës duhet të merret nën kontrollin e KFOR.
Kurse ne krahun tjetër, presidentja e KE-së, Ursula Von der Leyen u shpreh se dy vendet duhet të ulen në tryezën e dialogut ndërmjetësuar nga BE.
Pyetje: Pas situatës së fundit në Kosovë, çfarë prisni të ndodhë me marrëveshjen e Ohrit?
Ursula Von der Leyen: Marrëveshja e Ohrit është ato që u arritën në shkurt dhe mars, baza për pajtimin përmes dialogut të BE. Është me rëndësi që Kosova dhe Serbia të kthehet në tryezë për normalizimin e marrëdhënies. Kjo është rruga e duhur për të ardhmen sepse Kosova dhe Serbia do jenë pjesë e BE.
