Një 41-vjeçar është shpallur në kërkim nga policia e Tiranës, pasi akuzohet se magazinonte dhe tregtonte mallra kontrabandë.
Blutë bëjnë me dije se 41-vjeçari, fshihte të ardhurat e përfituara si edhe kishte punësuar në mënyrë të paligjshme tre shtetas, të cilët janë proceduar penalisht.
“U shpall në kërkim shtetasi A. D., 41 vjeç, banues në Tiranë. Gjithashtu u proceduan në gjendje të lirë shtetasit E. M., 30 vjeç, Sh. D., 41 vjeç, dhe A. Gj., 23 vjeç, të tre banues në Tiranë.
Në rrugën “5 Maji”, gjatë kontrollit në disa biznese në pronësi të shtetasit A. D., në të cilat ishin të punësuar tre shtetasit e proceduar, shërbimet e Policisë gjetën dhe sekuestruan, në cilësinë e provës materiale, mallra dhe produkte të ndryshme, pa fatura tatimore shoqëruese apo deklarata doganore për origjinën e tyre, për të cilat nuk deklaroheshin të ardhurat e përfituara prej tyre”,- njofton Policia.
Materialet procedurale i kaluan Prokurorisë Tiranë, për veprime të mëtejshme.
