Tre të rinj (vëllezër) janë arrestuar ditën e sotme në Pogradec pasi akuzohen se kanë plagosur me thikë një 29-vjeçar.
Blutë bëjnë me dije se në pranga kanë rënë shtetasit E. B., 28 vjeç, P. B., 20 vjeç dhe E. B., 25 vjeç, pasi për shkak të një konflikti të çastit kanë dhunuar dhe plagosur 29-vjeçarin me iniciale G.D. Ky i fundit ndodhet në spital jashtë rrezikut për jetën.
“Tre vëllezërit, E. B., 28 vjeç, P. B., 20 vjeç dhe E. B., 25 vjeç, në bashkëpunim me njëri-tjetrin kanë goditur me grushte dhe me mjet prerës (thikë) 29-vjeçarin me iniciale G.D, i cili aktualisht ndodhet jashtë rrezikut për jetën”, thuhet në njoftimin e policisë.
Ndërkohë raportohet se, 29-vjeçari i plagosur dhe shoku i tij Sh. T., u vunë nën hetim në gjendje të lirë, pasi gjatë konfliktit edhe këta kanë goditur me grushte dhe me shkelma në trup, 2 nga vëllezërit, të cilët kanë marrë dëmtime të lehta.
Në cilësinë e provës materiale u sekuestrua një mjet prerës (thikë).
