Dy shtetas shqiptarë janë arrestuar këtë të mërkurë nga policia greke, pasi akuzohen për trafikim droge.
Mediat e huaja shkruajnë se arrestimi i tyre erdhi pasi policia konstatoi dy automjete që vinin nga kufiri i gjelbër me Shqipërinë, në njërin prej të cilëve u gjetën 49 kg marijuanë. Bashkë me dy të rinjtë, 21 dhe 22 vjeç, kushërinj me njëri-tjetrin u arrestua dhe një 68 vjeçar grek.
Drejtuesi i mjetit me drogë ishte i moshuari grek ndërsa dy shqiptarët kishin rolin e kontrollorit të rrugës për të shmangur kontrollet policore. Sipas raportimeve, mjetet ishin nisur nga Athina dhe janë ngarkuar me drogë në kufi me Shqipërinë për t’u rikthyer sërish në kryeqytetin grek.
Në bagazhin e mjetit të drejtuar nga greku u gjetën pako që përmbanin 49 kg marijuanë. Identiteti i shqiptarëve ende nuk bëhet me dije, ndërsa janë shoqëruar për veprime të mëtejshme proceduriale.
