Partitë opozitare në Serbi i kanë bërë thirrje Bashkimit Europian me anë të një letre dërguar Përfaqësuesit të Lartë për Politikë të Jashtme, Josep Borrel, që të mos ta konsiderojnë Presidentin Aleksandër Vuçiç si bashkëbisedues ekskluziv, por si personin me përgjegjësi personale dhe politike për sulmin në veri të Kosovës.
Këto parti janë nisur nga shqetësimi se Bashkimi Europian mund t’i vendosë sanksione Serbisë për shkak të sulmit terrorist që ndodhi në veri të Kosovës, sulm ku dita-ditës po konfirmohet mbështetja nga politikanë në pushtet ndaj dhe kanë bërë thirrje që masat të merren ndaj një personi me përgjegjësi politike dhe sipas tyre personale: Aleksandër Vuçiçit.
“Prandaj, ndaj tij dhe ndaj aleatëve të tij më të afërt politikë duhet të vendoset çdo masë e mundshme, – thuhet në letër. – Prej kohësh kemi theksuar se zoti Vuçiç nuk duhet të gjenerojë mbështetje ndërkombëtare si bashkëbisedues ekskluziv, ndër të tjera, për shkak të shtypjes së demokracisë, të drejtave të njeriut, kushteve zgjedhore dhe abuzimeve mediatike në Serbi..Kjo kërkesë që vjen nga brenda forcave politike në Serbi merr një peshë shumë më të madhe përballë faktit se Shqipëria, e cila duhet të ishte e para që të dënonte me forcë sulmin ndaj Kosovës, nuk ka kërkuar vendosjen e sanksioneve ndaj Aleksandër Vuçiçit. Për më tepër, mazhoranca në Shqipëri e drejtuar nga Kryeministri Edi Rama, rezolutën për këtë çështje e ka kthyer në debat brenda parlamentit të saj, duke refuzuar ta përfshijë presidentin serb në dokument. Kjo ndodh në një kohë kur vetë partitë opozitare në Serbi pranojnë dhe theksojnë më tej në thirrjen e tyre “se Presidenti Vuçiç është pjesë e problemit, dhe jo zgjidhje për degradimin aktual të gjithë situatës – si në Serbi ashtu edhe më gjerë. Një qeveri demokratike në Serbi është një parakusht për të kërkuar zgjidhje afatgjata për problemet komplekse, si në Kosovë, ashtu edhe për stabilitet dhe paqe më të gjerë në rajonin e Ballkanit Perëndimor.”
