Një 28 vjeçar i shpallur në kërkim për prodhim dhe shitje droge është arrestuar këtë të martë në Tiranë, në kuadër të operacionit të koduar “Tempulli”.
Blutë bëjnë me dije se në pranga ka rënë shtetasi me iniciale H.S. Ndalimi i tij u bë i mundur në rrugën “Vangjush Furxhi” pasi gjykata kishte dhënë masën “Arrest në burg”, për “Prodhimi dhe shitja e narkotikëve”.
Më parë, gjatë zhvillimit të këtij operacioni, janë sekuestruar 10 kg lëndë e dyshuar kanabis, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.
