Lulzim Basha duket se nuk ka të ndaluar për të përjashtuar nga Partia Demokratike e vulës, këdo që i rrezikon karrigen e kryetarit të partisë.
Mbrëmjen e kësaj të hëne, e ashtuquajtura kryesia e PD-së së vulës, e krijuar pak kohë më parë me të besuarit e Bashës, ka vedosur përfundimin e anëtarësisë së Bardhit në këtë forcë politike, duke e përjashtuar nga PD.
Sipas grupit të Bashës, Bardhi ka bërë shkelje të njëpasnjëshme në postin e Sekretarit të Përgjithshëm, si dhe sipas tyre, ai po ndjek një agjende personale, përmes të cilës kërkon të zhvendosë PD nga orientimi i përcaktuar nga Kuvendi dhe Këshilli Kombëtar i vulës.
“Vendimi i Kryesisë së PD erdhi pas shkeljeve të njëpasnjëshme të kryera nga ish-sekretari i Përgjithshëm ndaj vendimeve të organeve kolegjale të PD, shumë prej të cilave janë votuar dhe janë nënshkruar prej tij si dhe për veprime në kundërshtim me interesat politike dhe elektorale të PD, për mosnjohjen e institucioneve të dala nga vota e demokratëve. Po ashtu dhe për ndjekjen e një agjende personale, përmes të cilës kërkon të zhvendosë PD nga orientimi i përcaktuar nga Kuvendi dhe Këshilli Kombëtar, në raport me aleatët strategjikë dhe bashkëpunimin me individët e sanksionuar si non grata, që kanë ndërmarrë një aksion dy vjeçar kundër Partisë Demokratike.”, thuhet në argumentet e parashtruara nga grupi i Bashës.
