Një ngjarje e rëndë është regjistruar rreth dy javë më parë në spitalin e fëmijëfve në Tiranë, ku ka ndërruar jetë një foshnja 8 muajshe nga fshati Grudë e Shkodrës.
Mësohet se foshnja ishte shtruar pas një problemi me zemrën dhe duhej t’i nënshtrohej një transplanti, por nuk ka mundur të mbijetojë.
Prindërit e foshnjës e kanë kallëzuar rastin në Prokurorinë e Shkodrës ku kanë pretenduar se shkak për vdekjen e të miturit ka qenë neglizhenca dhe paaftësia në mjekim nga mjekët e Spitalit të Shkodrës.
Mësohet se i mituri është dërguar në spitalin e Shkodrës dhe më pas spitali i Shkodrës e ka dërguar në Tiranë. Në spitalin e fëmijëve në Tiranë, foshnja është intubuar, por nuk ia ka dalë.
Pas denoncimit të prindërve, policia dhe prokuroria kanë nisur hetimet dhe kanë sekuestruar kartelën mjekësore të fëmijës.
