Aktivistët e ‘Lëvizjes Bashkë’ kanë lajmëruar sërish protestë ditën e nesërme (e enjte), përpara Kuvendit të Shqipërisë, për miratimin e minimumit jetik.
Përmes një postimi në rrjete sociale, bëhet me dije se protesta do të mbahet në orën 9:30.
Njoftimi:
Lëvizja BASHKË organizon sërish një protestë për miratimin e minimumit jetik, një çështje me rëndësi kritike për shoqërinë shqiptare. Duke përfshirë ndjenjën e urgjencës dhe frustrimin ndaj shtyrjes së vazhdueshme të këtij ligji, Lëvizja BASHKË fton të gjithë pensionistët, punëtorët, të papunët, studentët dhe sipërmarrësit e vegjël për t’u bashkuar në këtë thirrje për ndryshim dhe drejtësi sociale. Protesta do të mbahet të enjten, më 28 shtator, përpara Kuvendit të Shqipërisë, në anën e qendrës tregtare Toptani, në orën 9:30. Mediat ftohen të mbulojnë këtë ngjarje dhe të pasqyrojnë zërin e qytetarëve që kërkojnë një jetë me dinjitet në Shqipëri.
