Kryeministri Albin Kurti ka reaguar sërish për tensionet dhe ngjarjen e rëndë që ndodhi dy ditë më parë në veri të Kosovës, ku një grup i armatosur me terroristë serbë sulmuan policinë dhe ra dëshmor efektivi Afrim Bunjaku
Përmes një mesazhi në rrjetet sociale, Kurti shprehet se dy vite shteti serb provokoi Kosovën duke dërguar avionë luftarakë MiG-29 dhe ambasadorin e Rusisë në kufirin e Kosovës, për t’i frikësuar.
Që nga kjo kohë, sipas Kurtit, “dhuna dhe agresioni i tyre është intensifikuar”. Më tej Kurti shton se Kosova mbetet e përkushtuar për “ruajtjen e demokracisë dhe sundimit të ligjit në gjithë Republikën e Kosovës.”
“Dy vjet më parë, Serbia dërgoi avionë luftarakë MiG-29 dhe Ambasadorin e Rusisë në kufirin tonë për të na frikësuar. Që atëherë, dhuna dhe agresioni i tyre është intensifikuar. Por ne mbetemi të vendosur në angazhimin tonë për të mbrojtur demokracinë dhe sundimin e ligjit në të gjithë Republikën e Kosovës.” – shkruan Kurti.
Two years ago, Serbia sent MiG-29 fighter jets & Russia’s Ambassador to our border to intimidate us. Since then, their violence and aggression have intensified. But we remain resolute in our commitment to safeguarding democracy and the rule of law throughout the Republic of 🇽🇰.
— Albin Kurti (@albinkurti) September 26, 2023
