Detaje të reja kanë dalë në dritë nga plagosja me thikë e një 33-vjeçari mesditën e kësaj të marte në Vlorë.
Blutë bëjnë me dije se kanë mundur të identifikojnë dhe arrestojnë dy autorët e ngjarjes, (vëllezër) të cilët pas një konflikti të çastit kanë goditur me thikë në kokë 33-vjeçarin, Olsen Refati.
“Shërbimet e Forcës së Posaçme “Shqiponja”, pas njoftimit për një konflikt mes disa shtetasve, në lagjen “Partizani”, kanë ndërhyrë menjëherë për parandalimin e përshkallëzimit të konfliktit.
Si rezultat i veprimeve të shpejta, janë kapur dhe shoqëruar në Komisariat, 2 autorët e dyshuar, vëllezër, të cilët gjatë konfliktit për motive të dobëta, dyshohet se kanë goditur me grushte dhe me mjet prerës (thikë), shtetasin Olsen Refati., 33 vjeç, banues në Vlorë”,- njofton Policia.
33 vjecari ndodhet në spital, jashtë rrezikut për jetën.
