Një zjarr i madh ra pak minuta më parë në fabrikën e bojërave “Deutsch Color”, në autostradën Tiranë – Durrës, në zonën e quajtur Maminas.
Burimet bëjnë me dije se nuk ka persona të lënduar dhe se në fabrikë kanë qenë vetëm rojet që kanë njoftuar edhe autoritetet.
Paraprakisht dyshohet se shkak mund të jetë bërë një shkëndijë elektrike, ndërsa po punohet që zjarri të mos përhapet në bizneset pranë.
Po ashtu mësohet se autoritet kanë evakuuar banorët e zonës, pasi pranë fabrikës ka edhe disa shtëpia banimi. Ndërkohë raportohet se në fabrikë mund të ketë shpërthime të njëpasnjëshme, për shkak të një lënde djegëse që përdoret për përpunimin e bojërave,
Ndërkohë siç është bërë me dije, kalimi është devijuar në rrugë dytësore, pasi policia ka bllokuar dy anët e autostradës.
