Një sherr që ka degraduar në përplasje fizike raportohet të ketë ndodhur në Lezhë.
Dy shtetas për arsye ende të paqarta janë konfliktuar me njëri-tjetrin, e si pasojë njëri prej tyre ka përfunduar në spital nga plagët e shumta.
Lidhur me rastin është arrestuar shtetasi A. P. 36 vjeç, i cili ka dhunuar shtetasin Gj. S. 55 vjeç.
Ky i fundit ndodhet në spital jashtë rrezikut për jetën.
“U arrestua në flagrancë shtetasi A. P. 36 vjeç, banues në Spiten, Lezhë për veprat penale “Plagosje e rëndë me dashje” dhe “Shkatërrim prone”. Ky shtetas, në hyrje të fshatit Spiten, për shkak të një konflikti që ka patur me shtetasin Gj. S. 55 vjeç, banues po në fshatin Spiten, Lezhë, në momentin që janë shkëmbyer të dy në rrugë me automjete, me qëllim i ka goditur mjetin 55-vjeçarit, si dhe më pas ka dalë nga makina duke e dhunuar fizikisht. I dëmtuari ndodhet në spital nën kujdesin mjekësor, jashtë rrezikut për jetën”,- njofton Policia.
Materialet procedurale iu referuan Prokurisë për veprime të mëtejshme.
