Nga Boldnews.al
Lajmet kryesore që vijnë në të njëjtën kohë për vendin tonë ishin dy fortë të rëndësishëm. Së pari kryeministri Rama i cili merr pjesë në mbledhjet e Këshillit të Sigurimit në OKB, ku Shqipëria është drejtuese në një rrotacion të përvitshëm shtetesh, lajmëroi krijimin e Aleancës Humanitare mes sektorit publik dhe privat që ka si qëllim t’i shkojë në ndihmë vendeve që ndodhen në emergjencë.
Nismëtare sipas Ramës është Shqipëria dhe deri tani janë siguruar rreth 11 miliardë dollarë donacione që do të shkojnë për vendet që janë në emergjencë humanitare. E reja është se Shqipëria ka futur PPP-të edhe në çështje humanitare. Përveç shteteve të ndryshme që lëvrojnë fonde si donacione për vendet në nevojë, edhe sektori privat mund të bashkëpunojë, duke ofruar ndihmëse nën një skemë PPP (Partneritet Publik Privat). Tashmë PPP-të e famshme të Ramës do shpërndahen në mbarë botën, por e sigurt është se kryemenaxhues i donacioneve në OKB nuk do jetë Ilir Beqja.
Këtë moment kaq të “madh”, Rama po e shfrytëzon për propagandë dhe kush më mirë se ai e njeh këtë sektor, duke yshtur edhe presidentin Bajram Begaj që u nis me 15 veta nga pas staf, përfshi edhe një parukiere të zonjës së parë, por harroi të merrte “berberin” e tij në OKB.
Teksa lajmi se me nismën e Shqipërisë ishin mbledhur 11 miliardë dollarë donacione sapo kishte nisur të qarkullonte dendur në mediat qeveritare, një tjetër lajm shumë i rëndësishëm doli njëkohësisht. Bëhet fjalë për një faturë 250 milionë lekë që Rama do detyrohet ta japë për “gojoren” e kryebashkiakut të tij Safet Gjici.
Komisioni Qendror Zgjedhor njoftoi se zgjedhjet e parakohëshme në Kukës do t’i kushtojnë buxhetit 250 milionë lekë. I gjithë ky taksirat erdhi nga epishi Rilindas i kryebashkiakut të Ramës, Safet Gjici. Ai u filmua në një akt seksual oral (gojore) në zyrën e tij, me Alma. K, e cila më pas i kërkoi edhe ta ndihmonte për nje tender në sterilizimin e qenve të Kukësit.
Tashmë përveçse mbajtja e Gjicit në paraburgim nga kushton 60 euro dita, vetëm në një dorë, për një ditë zgjedhjesh për shkak të “gojores Rilindase”, do paguajë çdo qytetar i vendit edhe 250 milionë lekë. Kjo është taksa më e fundit e cila është më e rëndë se “lajmi i madh”, i “sevapçiut botëror” që mban takime në OKB.
Kur të kthehen nga New Yorku kryeministri Edi Rama dhe presidenti Bajram Begaj, ky i fundit bashkë me 15 shoqërues këshilltarë dhe kurues leshrash do presin gjithë ankth zgjedhjet për kryebashkiakun e ri të Kukësit. Sa shtrenjt po e paguajmë “oralen e Gjicit”!
