Është zbuluar identiteti i personit të shpallur në kërkim, i cili kaloi në portin e Durrësit në mëmyrë të jashtëligjshme, jashtë shtetit, pasi e lejoi një oficer polcie, tashmë i arrestuar.
Burime bëjnë me dije se bëhet fjalë për shtetas Elidon Çela, pronari i agjensisë së transportit ndërkombëtar të pasagjerëve “Buon Aventura” me seli në Lushnje dhe Padova.
Çela rezulton të ketë kaluar në Portin e Durrësit më 17 shtator dhe është lejuar nga oficeri i policisë me detyrë Nd.kontrollor në Stacionin e Policisë në Portin e Durrësit, Gledis Lushi, të kaloj në mënyrë të kundraligjshme. Megjithatë, Çela ka rënë në prangat e policisë këto ditë pasi është rikthyer sërish në Shqipëri, po përmes Durrësit.
Ndalimi i ificerit të policisë, Gledis Lushi, 23 vjeç, është bërë ditën e djeshme më 22 shtator 2023 nga Agjencia e Mbikëqyrjes Policore (Rajoni Durrës-Kavajë) në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Durrës.
Elidon Çela është arrestuar fillimisht më 21 tetor 2022, pasi në furgonin e kompanisë së tij, i linjës Padova – Lushnjë me targa AA 633 FZ, që vinte në Portin e Durrësit nga Bari i Italisë u gjetën 522 mijë euro të padeklaruara. Paratë ishin fshehur në tavanin e furgonit, pranë impiantit të kondicionerit.
Gjatë kontrollit u gjetën edhe mallra të kontrabanduara (kafe, cigare, pije alkoolike, ilaçe, kuti me mentesha, karroca për fëmijë, elektroshtëpiake dhe veshmbathje). Paratë ishin në prerje të ndryshme, 10, 20, 50 dhe 100 euro të ndara në 6 qese plastmasi, marketi.
Elidon Çela nuk ishte një emër i panjohur për policinë, pasi edhe më herët ishte kapur duke transportuar para të padeklaruara, por në sasi më të vogla si edhe ishte kapur disa herë duke sjellë në Shqipëri mallra të vjedhura.
Pas arrestimit, për të gjykatat e kishin lënë me masë më të butë, por në 14 shtator Gjykata e Lartë riktheu atë në arrest në burg dhe u shpall në kërkim.
