Mazhoranca ka rrëzuar kërkesën e kryetarit të grupit parlamentar të PD-së, Gazment Bardhi, i cili kërkoi që në rendin e ditës të futet dhe Komisioni Parlamentar për Reformën Zgjedhore dhe ndryshimi i përbërjes së saj.
“Përbërja e Komisionit të Reformës Zgjedhore. Na rezulton se e kanë lënë Reformën Zgjedhore në heshtje. Komisioni ka harruar të zgjidhet dhe kanë mbetur deputetë që kanë dorëzuar mandatin. Grida Duma ka lënë mandatin dhe është në punën e vet. Për ta bërë efikas komisionin kemi vendosur që të nisim punën. Nëse po i zgjasni afatin, mund ta lini opozitën pa komision. Duhet të plotësohet ekipi i komisionit për Reformën Zgjedhore. S’keni pse ndërhyni!”– tha Bardhi, fillimisht.
Por, ka qenë kryetari i grupit parlamentar të PS-së, Bledi Çuçi, i cili ka kërkuar që kërkesa e Bardhit të hidhet në votim dhe kërkoi në Kuvend nisjen me urgjencë të punës për reformën zgjedhore.
“Ka një nevojë të menjëhershme të fillojë komisioni për Reformën Zgjedhore. Kemi detyrim kushtetues nga vendimi që vjen nga GJK në lidhje me elementë të rëndësishme të Kodit zgjedhor. Është një komision ndoshta nga më të rëndësishmit. Shpresoj që edhe kolegët të kenë durimin dhe të japin konsensusin dhe të ulen pa paragjykime në mënyrë q ëtë bëjnë më të mirën për Shqipërinë. Nuk jemi ne ata që i zgjedhim përfaqësuesit e opozitës në Komision. Asnjë veprim duke nisur që nga kryetarja e Kuvendit, nuk ka adresuar këtë gjë. Meqë kemi një vendim për shtyrjen e afatit të komisionit, nga pikëpamja procedurale ta shtyjmë sot dhe seancën tjetër shkojmë me ndryshimet përkatëse, pasi edhe ne kemi nevojë të bëjmë ndryshime.”– tha Çuçi.
Bardhi nga ana e tij insistoi, se pas votimit për zgjatjen e afatit, të kryhet edhe votimi për ndryshimin e Komisionit të PD-së për Reformën Zgjedhore.
“Ju mund të ndryshoni çdo emër që dëshironi, kjo s’na pengon edhe pas miratimit të përbërjes. Unë gjykoj që sa kohë komisionit i mbaron afati. Kishim mundësinë të zgjeronim objektin e komisionit duke përfshirë raportin e OSBE për 14 majin, ju gjykuat që kjo është një çështje që diskutohet në komision dhe s’ka nevojë për ndërhyrje. Sot të miratohet ndryshimi i opozitës, s’kemi pse ju presim ju, ne kemi vendosur do bëjmë ndryshime për ekipin e opozitës. Kur ju të dëshironi ne jemi dakord të ndryshoni kë ju të çmoni brenda komisionit të reformës zgjedhore. Kërkoj të miratohet sot bashkë me zgjatjen e afatit.” – tha Bardhi.
Pas votimit, është rrëzuar kërkesa e Bardhit me 3 vota pro kërkesës dhe 55 kundër.
EMRAT E PROPOZUAR:
1. Oerd Bylykbashi – Bashkëkryetar
2. Znj. Dhurata Cupi anëtar
3. Z. Dashnor Sula-anëtar;
4. Z. Ervin Salianji – anëtar;
5. Znj. Lindita Metaliaj – anëtar: 6. Z. Tomor Alizoti – anëtar;
7. Z. Fatmir Mediu-anëtar; 8. Z. Shpëtim Idrizi – anëtar,
9. Z. Petrit Vasili- anëtar;
10Znj. Eralda Bano – anëtar zëvendësues;
11. ZAsllan Dogjani – anëtar zëvendësues;
12. Znj. Elda Hoti – anëtar zëvendësues.
