Ka përfunduar seanca gjyqësore për 18 nga 69 persona e arrestuar në Vlorë në kuadër të operacionit policor “Tempulli.
Në seancën e sotme ishin të pranishëm 18 persona, për të cilët gjykata ka dhënë masat e sigurisë arrest dhe burg dhe arrest shtëpie.
Më konkretisht:
Shkelqim Bakaj, Fatmir Alikaj, Julian Shabani, Eriselda Zekaj, Nikola Selimaj janë lënë në masën “arrest shtëpie” ndërsa për shtetasit e tjerë gjykata e Vlorës ka caktuar masën e sigurisë “arrest me burg”.
Në total 18 persona 5 prej tyre “arrest shtëpie” ndërsa 13 të tjerë kanë marr masën “arrest me burg”.
Operacioni u ndërmor në disa qytete kryesore më 14 shtator 2023, duke çuar në pranga 233 persona që merreshin me shpërndarjen e drogave në afërsi të shkollave apo godinave banimi. 23 grupe kriminale u shkatërruan në megaoperacioni i zhvilluar në 5 qarqe të ndryshme të vendit, Tiranë, Durrës, Korçë, Vlorë dhe Elbasan.
